13. nəticələri prezidenti dəyişməsə də nələrisə dəyişəcək seçkilərdir. bundan əvvəlki seçkilər heçnəyi dəyişməmişdi ama bu dəyişə bilər. ən azından ona görə ki bu seçkilərdə müxalifət daha aktivdir və avropa nümayəndələrinin həm sayı həm diqqəti daha çox artıb. seçkidən sonra sekilərin saxtalaştırılmasına dair bütün materiallar bir əldə toplanıb avropa nümayəndələrinə sunulacaqdır və onların təzyiqləri nəticəsində nələrsə dəyişə bilər. düzdü avropa ilə azərbaycanın çox da əlaqəsi olmadığına görə bu təsir hiss olunmaya da bilər, məsələn azərbaycan avropa birliyinə namizəd olsaydı onda uyması gərəkən qaydalar mövcud olmuş olacaqdı və seçkidən sonraki saxtalaşdırmanı avropa birliyi əlində sübut kimi təzyiq edəcəkdi. indiki variantda belə bir hal mövcud deyil, azərbaycanın üzv olmaq istədiyi hansısa beynəlxalq bir təşkilat yoxdur, varsa da insan haklarını çox da önəmsəməyən təşkilatlardır. birləşmiş millətlər təşkilatına üzvdür ama digər bütün ölkələrdəki diktatoriyaya qarşı səs çıxarmayan bmt buna da çox səs çıxarmayacaqdır. ama ən azından beynəlxalq arena da azərbaycan qınanacaqdır. bu belə bir uğurdur nəticə etibarı ilə.

buna görə də sabah ki seçkilər də heçnə edə bilməsəniz də ən azından aşağıdaki cəmil həsənlinin yaydığı təlimatı oxuyub mümkün olduğu halda əməl etməyə çalışın. çorbada sizin də duzunun olsun;


-------
təlimat: səsvermə günü prosesi izləyəcək olan müşahidəçilərin, məşvərətçilərin, jurnalistlərin, bloqqerlərin və vətəndaşların nəzərinə!

seçki məcəlləsinə görə səsvermə günü məntəqələrdə, dairələrdə və digər yerlərdə seçki pozuntularını videoya, fotoya çəkmək qadağan deyil. cəmil həsənlinin seçki qərargahına daxil olan son məlumatlara əsasən deyə bilərik ki, sabah hakimiyyət kütləvi seçki saxtakarlıqları həyata keçirəcək.

kameralarınızı, fotoaparatlarınızı, telefonlarınızı hazırlayın və qanun pozuntularını - "karusel" əməliyyatlarını, topa bülletenlərin atılmasını, səssayma prosesini və digər saxtakarlıqları çəkib internetdə yayın.

xahiş edirik, seçki günü saxtakarlıqlarla bağlı əlinizdə olan video-fotoları, yaxud qanun pozuntusu gördüyünüz halda məlumatları bizə göndərin. seçkilərin nəticələri üçün bu çox vacibdir.

bu təlimatı paylaşın ki, daha çox insan xəbərdar olsun və prosesdə yaxından iştirak etsin.
-------